Plantun de Prouvènço

Pèr coumpara dos planto d'encò nostre

Hypericum androsaemum & Asparagus tenuifolius

Passo-curo

Hypericum androsaemum

Hypericaceae Guttiferaceae

Àutri noum : Glòri, Touto-sano, Touto-saniclo.

Noms en français : Androsème, Millepertuis androsème.

Descripcioun :
La passo-curo es un aubret en mato pu o mens rama. Es uno planto gaire coumuno au nostre aleva dins li relarg de Prouvènço séusouso e dis Aup marino séusouso. Trachis en ribo de ribiero e dins li valado umido. Se recounèis à si larjo e longo fueio óupousado e embrassanto e à si fru poupu jaune pièi rouje e pièi negre.

Usanço :
Fasié partido de la farmacoupèio di grè ancian. Li fueio soun couneigudo pèr sougna li plago e li bruladuro, lucha contro lis espaime, li vèrme e faire pissa. Peréu a d'ùni prouprieta sedativo e astringènto.

Port : Aubret
Taio : 40 à 100 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Hypericum
Famiho : Hypericaceae
Famiho classico : Guttiferaceae

Ordre : Malpighiales

Coulour de la flour : Jauno
Petalo : 5
Ø (o loungour) flour : 10 à 12 mm
Flourido : Printèms - Estiéu

Sòu : Si
Autour basso e auto : 0 à 1600 m
Aparado : Noun
Jun à juliet

Liò : Ribiero - Gaudre umide
Estànci : Mesoumediterran à Mountagnard
Couroulougi : Paleoutemperado
Ref. sc. : Hypericum androsaemum L., 1753

Espargo(-di-fueio-primo)

Asparagus tenuifolius

Asparagaceae

Nom en français : Asperge à feuilles étroites.

Descripcioun :
Aquesto espargo, raro au nostre, sèmblo proun à l'espargo-fèro. Pamens li fueio soun mai primo e li flour soun pourtado pèr un long pecou. Flouris à la primo au contro de sa cousino.

Usanço :
A li mémi prouprieta que l'espargo-fèro.